बर्दिया : बर्दियामा बाघको आक्रमणबाट एक महिलाको मृत्यु भएको छ । मधुवन नगरपालिका वडा नम्बर ३ भगरैया बस्ने अन्दाजी २९ वर्षीया गंगा बुढालाई घाँस काट्ने क्रममा बुधवार अपरान्ह सवा ४ बजे पाटेबाघले आक्रमण गर्दा उनको मृत्यु भएको हो ।
उनको शव दशगजाबाट एक सय मिटरभित्र भारततर्फको जंगलतिर पुर्याएको अवस्थामा सशस्त्र प्रहरीले फेला पारेको हो ।
सशस्त्र प्रहरी बल नेपाल नम्बर ३१ गण हेडक्वाटर बर्दिया मातहत रहेको विओपी भगरैयाबाट सप्रनानि भिम बहादुर वलीको कमाण्डमा खटिएको ११ जनाको टोली र स्थानीय बासिन्दाको सहयोगमा होहल्ला गरी बाघलाई भगाएर महिलालाई मृत अवस्थामा फेला पारेको सशस्त्र प्रहरीले जनाएको छ ।
