सदरलाइनडटकम,
नेपालगञ्ज : राजश्व छलेर चोरी नाकाबाट नेपाल भित्र्याइएको सुर्तिजन्य पदार्थसहित बाँकेमा दुई जना पक्राउ परेका छन् ।
डुडुवा गाउँपालिका वडा नं. २ बेतहनी बस्ने सियाराम केवट ३ बोरा सुपर पावर सुर्तिसहित पक्राउ परेका छन् । उनलाई सोमवार राती १० बजे अमृतपुर्वाबाट १८ हजार मुल्य बराबरको सुर्तिसहित पक्राउ परेका हुन् ।
यस्तै एक बोरा कमला पसन्द गुटकासहित नेपालगञ्ज वडा नं. ९ बस्ने सलमान दर्जीलाई पक्राउ गरिएको छ । सोमवार बेलुकी नेपालगञ्ज ८ बाट ५ हजार मुल्य बराबरको गुटकासहित पक्राउ परेका हुन् ।
पक्राउ परेका दुबै जनालाई आवश्यक कारबाहीका लागि नेपालगञ्ज भन्सार कार्यालय पठाइएको बाँकेका प्रहरी प्रवक्ता एवं प्रहरी नायब उपरीक्षक सुवास खडकाले जानकारी दिए ।
