राप्तीले बगाउँदा महिलाको मृत्यु

सदरलाइनडटकम,
दाङ : राप्ती नदीमा आएको बाढीले बगाउँदा दाङको देउखुरीमा एक महिलाको मृत्यु भएको छ । राप्ती गाउँपालिका वडा नं ४ मौरीघाट निवासी ५२ वर्षीया बसन्ता गिरीको राप्ती नदीले बगाउँदा मृत्यु भएको हो ।
बगेकी महिलाको शव झण्डै ११ किलोमिटर टाढा दुरीमा फेला परेको जिल्ला प्रहरी कार्यालय दाङले जनाएको छ । नदी तर्ने क्रममा महिलालाई बगाएको हुनसक्ने प्रहरीले जनाएको छ ।