सदरलाइनडटकम,
नेपालगञ्ज : जडिबुटी व्यावसायी तथा नेपालगञ्ज उद्योग बाणिज्य संघका सदस्य टंकप्रसाद शर्मा बिहीबार दिउसो मोटर साइकल दुर्घटनामा परी घाइते भएका छन ।
व्यावसायी शर्मा सवार भे ८ प ५६१८ नम्बरको मोटरसाइकल बिहिवार दिउँसो करिब २ बजेको समयमा नेपालगञ्ज औद्योगिक क्षेत्र अगाडि बिद्युतको पोलमा ठोकिएर दुर्घटनामा परेको थियो ।
दुर्घटनामा परे लगत्तै नजिकै रहेको प्रहरीले उनको उद्दार गरी नेपालगञ्ज मेडिकल कलेज शिक्षण अस्पतालमा र्पुयाएको थियो । उनको अहिले शिक्षण अस्पताल नेपालगञ्जमा उपचार भइ रहेको शर्माका भाइ जीवन शर्माले जानकारी दिए । दुर्घटनाको कारण भने खुल्न सकेको छैन । फोटो ः काँचुलीखबरबाट
प्रकाशित मिति : २०७७ वैशाख १८ गते बिहीबार
प्रतिक्रिया दिनुहोस्