सदरलाइनडटकम, 
नेपालगञ्ज :आउँदो फागुन ३ गते प्रणय दिवसलाई लक्षित गरी नेपालगञ्जमा ‘मनसुन भ्यालेन्टाईन्स् इभेन्ट’ आयोजना गरिने भएको छ । नेपालगञ्ज जेसिस र नेपालगञ्ज जुनियर जेसिसले सो इभेन्ट आयोजना गर्न लागेको हो ।
मंगलबार नेपालगञ्जमा आयोजित पत्रकार सम्मेलनमा आयोजकले सो कुराको जानकारी गराएको हो ।
विशेष गरि नव विवाहित जोडी र अविवाहित प्रेमी प्रेमीकाको लागि इभेन्ट भनिएता पनि इभेन्टमा परिवार सहित आउने आउन मिल्ने र रमाईलो गर्न सकिने वातावरण रहेको नेपालगञ्ज जेसिस–२०२० का अध्यक्ष प्रज्ज्वल कुमार श्रेष्ठले जानकारी दिए ।
इभेन्टमा पारिवारिक रमाईलोसंगै जोडीहरुका लागि खेलसमेत रहको उनले उल्लेख गरे । खेलमा फोटो सेसन, पेपर डान्स, प्रपोज नाईट, बेलुन ड्रेस र रेम्स् वाक जोडीहरुको लागि रहेको छ भने सिङ्गल आउनेहरुको लागि खेल पनि गोप्य रहेको र खेल जित्नेलाई पुरस्कार पनि गोप्य रहको आयोजकले जनाएको छ ।
इभेन्टमा सिङ्गल आउनेलाई प्रवेश शुल्क रु १ हजार २ सय रहेको छ भने जोडी अथवा पारिवारिक रुपमा आउनेलाई रु २ हजार रहेको जनाईएको छ ।
नेपालगञ्जमा ‘मनसुन भ्यालेन्टाईन्स् इभेन्ट’ आयोजना गरिदै
२८ माघ २०७६, मंगलवार १९:०४
