आईसीसीमा नेपालद्वारा अमेरिका ३५ रनले पराजित

२५ माघ २०७६, शनिबार १७:४१
 

सदरलाइनडटकम,
काठमाण्डौ : आईसीसी विश्वकप लिग २ छनोटअन्तर्गत नेपालले अमेरिकालाई ३५ रनले पराजित गरेको छ । पहिले ब्याटिङ गरेको नेपालले ४९.२ ओभरमा सबै विकेट गुमाउँदै १ सय ९० रन बनाएको थियो ।
१ सय ९० रन बनाउने क्रममा बिनोद भण्डारीले ५९ तथा आजै डेब्यु गरेका कुशल मल्लले ५० रनको अर्धशतकीय योगदान गरेका थिए । बलिङतर्फ अमेरिकाका स्टेभेन्सनले तीन तथा नेत्रवल्कर र थेरोनले समान दुई दुई विकेट लिए । जवाफमा एक सय ९१ रनको लक्ष्य पछ्याएको अमेरिका ४४. १ ओभरमा १ सय ५५ रनमा अल आउट भयो ।
१ सय ५५ रन बनाउने क्रममा अमेरिकाका आईजी हल्याण्डले सर्वाधिक ७५ रन बनाए भने स्ट्भेन्सनले १९ रन बनाए । बलिङतर्फ करण केसीले सर्वा्धिक चार, सुशन भारीले तीन, सन्दीप लामिछानेले दुई तथा कुशल मल्लले एक विकेट लिए । चार विकेट लिने करण केसी म्यान अफ द म्याच घोषित भए ।

Next Post

चट्याङ लागेर दाङमा तीन जनाको मृत्यु

२५ माघ २०७६, शनिबार १७:४१
सदरलाइनडटकम, दाङ : चट्याङ लागेर दाङमा तीन जनाको मृत्यु भएको छ । तुलसीपुर र घोराहीमा शनिवार चट्याङ लागेर तुलसीपुर उपमहानगरपालिका ७, नवलपुरकी गीता चौधरीकी ७ वर्षीया छोरी सृष्टि र सोही ठाउँकी ५४ वर्षीया लक्ष्मी आचार्यको मृत्यु भएको हो । चट्याङ लागेर घाइते भएका चौधरी र आचार्यको उपचारका क्रममा तुलसीपुरको राप्ती […]

सम्बन्धित