सिके राउतका नौ कार्यकर्तामाथि राज्यविरुद्धको मुद्दा

  
  प्रकाशित मितिः शुक्रबार, माघ २५, २०७५       | 45 Views   ||

सदरलाइनडटकम,
जानकी (बाँके) : बाँके प्रहरीले राष्ट्रीय एकतामा खलल पुर्याउने गतिविधि गरेको भन्दै बाँकेबाट सिके राउतका कार्यकर्तालाई पक्राउ गरेको छ । माघ २१ गरेका पक्राउ परेका ९ जनालाई राज्यविरुद्धको अपराधमा मुद्दा चलाएको ईलाका प्रहरी कार्यालय कोहलपुरका प्रहरी नायब उपरीक्षक रमेशबहादुर सिंहले बताए ।
जानकी गाउँपालिका ६ कपासीका राममनोहर यादवको श्रद्धाञ्जलीसभामा सहभागी सिके राउतका कार्यकर्ताले राष्ट्रीय अखण्डताविरुद्ध मन्तव्य दिएपछि पक्राउ गरिएको उनले बताए । प्रहरी नायब उपरीक्षक सिंहका अनुसार सो घटनामा २१ जना पक्राउ परेकोमा छानविन पछि अन्यलाई रिहा गरी वीरेन्द्र शाहसहित ९ जना माथिल्लो तहका नेता कार्यकर्तालाई मुद्दा चलाइएको हो ।

प्रकाशित मितिः शुक्रबार, माघ २५, २०७५     7:00:09 PM  |