सदरलाइनडटकम
१० असार, नेपालगन्ज : उपप्रधानमन्त्री एवं स्वास्थ्यमन्त्री उपेन्द्र यादवले खजुरास्थित सुशिल कोइराला क्यान्सर अस्पतालका लागि बजेटको कमी हुन नदिने बताएका छन् । सोमबार अस्पतालको सेवा उद्घाटन गर्दै उनले यस्तो बताएका हुन ।
सरकारबाट एक सय शैयाको मान्यता पाएको अस्पतालले पहिलो चरण अन्र्तगत ५९ शैयाबाट आफ्नो सेवा सुरु गरेको हो । अयादवले क्यान्सर अस्पताललाई सुविधा सम्पन्न बनाउन सरकारले पहल गर्ने बताए । उनले सरकारले अस्पताललाई हाल दिँदै आएको बजेटमा आगामी बर्षदेखि थप गर्ने घोषणा गरे ।
क्यान्सर अस्पताल सञ्चालनमा आएपछि प्रदेश पाँच, कर्णाली प्रदेश र प्रदेश सातका क्यान्सरबाट पीडित विरामीहरुलाई उपचारका लागि भारत तथा चितवन जानु पर्ने बाध्यता टरेको छ । सोही कार्यक्रममा बोल्दै शहरी विकास मन्त्री मोहम्मद इस्तियाक राईले पश्चिम नेपालको क्यान्सर पिडितलाई अव बाहिर जान नपर्ने गरि सेवा सुविधा प्रदान गरिने बताए । यस क्षेत्रको मात्र नभइ भारतको नागरिक समेत खजुरा स्थित क्यान्सर अस्पतालमा सेवा लिन आउने उनले बताए ।
२०६५ साल माघ ११ गते देखी धनधान्यन्चल ज्ञानमहायज्ञबाट प्राप्त रकमले अस्पताल निर्माण कार्य सुरु गरिएको थियो । त्यसपछि सरकारले पनि बजेट उपलब्ध गराउन थालेपछि अस्पताल निर्माण सम्भव भएको हो । अस्पताल निर्माणमा ३५ करोड खर्च भइसकेको अस्पतालका अध्यक्ष किस्मतकुमार कक्षपतिले बताए ।
अस्पताललाई बजेट बृद्धि गरिन्छ : मन्त्री यादव
११ असार २०७५, सोमबार १८:४२
