सदरलाइनडटकम
२८ चैत, कोहलपुर (बाँके) : नेपाल गोल्डेन आईडल सिजन –५ का बिजेता पुजन गुरुङ्गलाई कोहलपुरमा सम्मान गरिएको छ । कोहलपुर उनको गृहनगर हो ।
गोल्डेन आईडल सिजन–५का बिजेता बन्न सफल पुजन गुरुङ्गलाई कोहलपुरमा सम्मान गरिएको हो । चैत २६ गते पोखरामा सम्पन्न भएको सो गायन प्रतियोगितामा कोहपुर निवासी पुजन गुरुङ्ग बिजयी हुन सफल भएका थिए ।
सो प्रतियोगितामा बिजेता बन्न सफल गुरुङ्गलाई उनी अध्ययनरत ग्रिन पिस माध्यमिक बिद्यालयले बुधबार एक औपचारीक कार्यक्रमको आयोजना गरि सम्मान गरेको हो ।
उनले सो गायन प्रतियोगितामा नगद ३ लाख जित्न सफल भएका थिए । बिजेता गुरुङ्गलाई बिहीबार बिहान ११ बजे कोहलपुर नगर परिक्रमा गराउने पनि उनका शुभचिन्तक एबं आफन्त जनले बताएका छन ।
सम्मान कार्यक्रममा बोल्दै गुरुङ्गले आफुलाई यस स्थान सम्म पुर्याउन सहयोग गर्ने सम्पुर्णलाई धन्यबाद समेत ब्यक्त गरेका थिए ।
उनले आगामी दिनमा यसरी नै सबैको साथ र सहयोग रहेको खण्डमा आफुले आझ राम्रो प्रस्तुतिका साथ अगाडि बढ्नका लागि होसला प्रदान हुने बताए ।
