सदरलाइनडटकम
२० बैशाख नेपालगन्ज : बाँकेको राप्तीपारीको विकट गाउपालिकामा बुधबार दिउसो भिषण आगलागी भएको छ । बाँके प्रहरीले दिएको जिानकारी अनुसार नरैनापुर गाउपालिका–५ हुलासपुरमा दिउसो करिव २ बजे भएको आगलागीबाट २५ घर, ५ गोठ र २ बाख्रा जलेर नष्ट भएको छ ।
जिल्ला प्रहरी कार्यालय बाँकेका प्रहरी उपरीक्षक टेकप्रसाद राईले दिउसो करिव १ बजेर ५० मिनेट जाँदा स्थानीय शालिकराम यादवको घरको चुलोबाट आगो सल्केको जानकारी दिए ।
आगलागिको खबर आउने वित्तिकै भारतीय बाटो हुँदै घटनास्थल पुगेको दमकल घटनास्थल नपुग्दै नेपाल प्रहरी, सशस्त्र प्रहरी र स्थानीय जनताको सहयोगले साँझ ५ बजे तिर नियन्त्रणमा आएको प्रहरी उपरीक्षक राईले बताए ।
प्रहरी उपरीक्षक राईले घटनास्थल सदरमुकाम नेपालगन्जबाट करिव ४० किलोमिटर दक्षिणपूर्व अति विकट क्षेत्रमा भएको कारण नेपालगन्जबाट सो ठाँउमा दमकल पुग्ने बाटो नभएकोले भारतीय बाटो हुँदै जानु परेको स्पष्ट पारे ।
![](https://sadarline.com/wp-content/uploads/2022/07/3.jpg)