नेपालगञ्ज : नेपालगञ्ज उपमहानगरपालिकाको प्रमुख प्रशासकीय अधिकृतमा सरुवा भएका शिवप्रसाद रिजाल सोमबार कार्यालयमा हाजिर भएका छन् । रिजाललाई नगरप्रमुख प्रसान्त बिष्ट, उपप्रमुख कमरुद्दिन राई लगायत अन्य जनप्रतिनिधि र कर्मचारीहरुले स्वागत गरे ।
प्रमुख प्रशासकीय अधिकृत रिक्त भएको डेढ महीनापछि रिजाल सरुवा भइ आएका हुन् । रिजालले करिब १५ बर्ष स्थानिय तह र स्थानिय निकायमा लेखा प्रमुख, प्रमुख प्रशासकीय अधिकृत, स्थानीय बिकास अधिकारी, जिल्ला समन्वय अधिकारीको रूपमा काम गरेको अनुभव छ ।
पछिल्लो पटक उनी कास्कीको सहायक प्रमुख जिल्ला अधिकारीको रूपमा कार्यरत थिए । उनको स्थायी घर पर्बत हो ।
