दाङ : भरुवा बन्दुकसहित प्रहरीले दाङमा एक जनालाई पक्राउ गरेको छ । राजपुर गाउँपालिका–१ कटवेरुवा निवासी ४२ वर्षीय रामबहादुर चौधरीलाई पक्राउ गरिएको जिल्ला प्रहरी कार्यालय दाङका प्रवक्ता राजनकुमार गौतमले जानकारी दिए ।
चौधरीलाई गढवा गाउँपालिका–७ स्थित ज्योति सामुदायिक वन सिकार खेल्न गएका छन् भन्ने सूचनाका आधारमा पक्राउ गरिएको प्रहरीले बताएको छ ।
चौधरीको साथबाट अवैध रुपमा रहेको एक थान भरुवा बन्दुक, २ वटा फलामको छर्रा र १ वटा गोली कपडाको टुक्रा र कालो रङको बारुदजस्तो धुलो पदार्थ बरामद भएको छ ।
चौधरीलाई नियन्त्रणमा लिएर आवश्यक अनुसन्धान भइरहेको दाङ प्रहरीले बताएको छ ।
