नेपालगञ्ज : दाङको राजपुर गाउँपालिका वडा नं ७ मा झाडापखालाबाट एक बालकको मृत्युु भएको छ भने १७ जना विरामी भएका छन् ।
राजपुर गाउँपालिका वडानम्बर ७ भैसाहीँनाका पलानगौरी निवासी ७ वर्षीय सम्झना परियारको झाडापखालाबाट मृत्यु भएको इलाका प्रहरी कार्यालय भैसाहीँनाकाले जनाएको छ ।
उहाँको मृत्यु भएलगत्तै स्थानीयले वडाध्यक्षलाई खबर गरेपछि स्वास्थ्यकर्मीको टोली घटनास्थलमै पुगेर उपचार शुरु गरिसकेको राजपुर स्वास्थ्य चौकीका प्रमुख खिमबहादुर रावलले जानकारी दिए ।
झाडापखालाबाट गम्भीर विरामी परेकाको उपचार जारी रहेको र हाल सामान्य अवस्था रहेको रावलको भनाइ छ । सरसफाइको कमी र फोहोर पानीका कारण झाडापखाला फैलिएको हुनसक्ने उनले बताए ।
