नेपालगञ्ज : बाँके प्रहरीले लेनदेन मुद्दाका एकजना फरार प्रतिवादीलाई पक्राउ गरेको छ । जानकी गाउँपालिका–३ का ४० वर्षीय राम पल्टन कादु गुप्तालाई पक्राउ गरिएको जिल्ला प्रहरी कार्यालय बाँकेले जनाएको छ ।
गुप्तालाई लेनदेन मुद्दामा जिल्ला अदालतले गएको बैशाख ९ गते दोषी ठहर गर्दै ६ महिना कैद सजाए तोकेको थियो । अदालतको आदेशपछि गुप्ता फरार थिए । पक्राउ परेका उनलाई सोमवार जिल्ला अदालतमा बुझाइएको छ ।
चालू आर्थिक वर्षको साउन महिनामा बाँके प्रहरीले विभिन्न मुद्दामा जिल्ला अदालतबाट दोषी ठहर भई फरार रहेका ७ जनालाई पक्राउ गरिसकेको छ ।
