बर्दिया : बर्दियाको बासगढी नगरपालिका ९ माछागढ चोक नजिकै शनिवार राती बसको ठक्करबाट मोटरसाइकल चालकको मृत्यु भएको छ ।
मृत्यु हुनेमा स्थानिय ५१ वर्षीय दिलबहादुर केसी रहेका छन् । उनको उपचारका क्रममा मेडिकल कलेज कोहलपुरमा राति १० बजे मृत्यु भएको हो ।
शनिवार राती साढे ९ बजे सुदूरपश्चिम प्रदेश ०१ ००१ ख २५८२ नम्बरको बसले केसी सवार भे ११ प ७९५७ नम्बरको मोटरसाइकललाई ठक्कर दिएको थियो ।
दुबै सवारी साधन र बस चालकलाई नियन्त्रणमा लिएको प्रहरी चौकी लक्ष्मणाले जनाएको छ ।
प्रकाशित मिति : २०७९ असार ५ गते आइतबार
प्रतिक्रिया दिनुहोस्