कैलाली : कैलालीमा मोटरसाइकल दुर्घटना हुँदा चालकको मृत्यु भएको छ । बिहीबार राति साढे १० बजे गोदावरी नगरपालिका–६ लालपुरमा सु.प.प्र. ०१०१० प ९६०३ नम्बरको मोटरसाइकल दुर्घटना भएको हो ।
दुर्घटनामा मोटरसाइकल चालक बाजुराका ३७ वर्षीय हिक्मतबहादुर रावलको मृत्यु भएको जिल्ला प्रहरी कार्यालय कैलालीले बताएको छ । कार्यालयका प्रवक्ता प्रहरी नायब उपरीक्षक वेदप्रकाश जोशीका अनुसार उनको धनगढीस्थित सेती प्रादेशिक अस्पतालमा उपचारका क्रममा राति नै मृत्यु भएको हो । मोटरसाइकल आफै अनियन्त्रित भई दुर्घटना भएको बताइएको छ ।
