कैलाली : कैलालीमा नक्कली रुपैयाँ छाप्ने मेसिन सहित २ युवक पक्राउ परेका छन् । धनगढी उपमहानगरपालिका वडा नम्बर ८ बस्ने २१ वर्षीय रामदास राना र अनुराग राना पक्राउ परेका हुन् ।
नक्कली नोट छाप्ने मेशिनसहित उनीहरुलाई पक्राउ गरिएको जिल्ला प्रहरी कार्यालय कैलालीले जनाएको छ ।
उनीहरुको साथबाट नक्कली १ हजारको नोट थान २, बिग्रेका नक्कली नोट १ हजारको थान १, बिग्रेका नक्कली नोट सयको थान २ र मेशिनका अन्य सामानहरु प्रहरीले बरामद गरेको छ ।
यस सम्बन्धमा थप अनुसन्धान भइरहेको प्रहरीले बताएको छ ।
