नेपालगञ्ज : बाँकेमा मोटरसाइकल दुर्घटना हुँदा बर्दियाका एक पुरुषको मृत्यु भएको छ । विपरित दिशाबाट आइरहेका दुई वटा मोटरसाइकल कोहलपुरमा एक आपसमा ठोक्किएर दुर्घटना भएको हो ।
कोहलपुरबाट सुर्खेततर्फ जाँदै गरेको भे १० प २७११ नम्बरको मोटरसाइकल र विपरीत दिशाबाट आउँदै गरेको लु ८४ प १६१७ नम्बरको मोटरसाइकल कोहलपुर नगरपालिका–२ मनकामना चोकमा एक आपसमा ठोक्किँदा लु ८४ प १६१७ नम्बरको मोटरसाइकलका चालक सानोश्री बर्दियाका ४१ वर्षका सूर्यप्रकाश ओलीको मृत्यु भएको प्रहरीले जनाएको छ ।
दुर्घटनामा गम्भीर घाइते भएका ओलीको नेपालगञ्ज मेडिकल कलेज शिक्षण अस्पताल कोहलपुरमा उपचारका क्रममा मृत्यु भएको इलाका प्रहरी कार्यालय कोहलपुरले जनाएको छ ।
