नेपालगञ्ज : लागूऔगाधसहित बाँकेमा दुईजना पक्राउ परेका छन् । सुर्खेतको वीरेन्द्रनगर नगरपालिकाका दुई जना पक्राउ परेका हुन् । मंगलबार बेलुका भारतको रुपईडिहाबाट नेपालगञ्ज आउँदै गर्दा दुबै जनालाई प्रहरीले पक्राउ गरेको हो ।
इलाका प्रहरी कार्यालय जमुनाहाका अनुसार पक्राउ पर्नेमा वीरेन्द्रनगर नगरपालिका–१२ का १८ वर्षीय रोहित र सन्जु परियार रहेका छन् । प्रहरीले उनीहरुको साथबाट ९० ट्याबलेट नाइट्रोजेपाम र २० ट्याबलेट ट्रामवेल गरी ११० ट्याबेलट बरामद गरेको छ ।
उनीहरुलाई ईलाका प्रहरी कार्यालय जमुनाहाका प्रहरी वरिष्ठ नायव निरीक्षक माधवप्रसाद रिजाल र लागूऔषध नियन्त्रण ब्युरोका प्रहरी नायव निरीक्षकको संयुक्त टोलीले नियन्त्रणमा लिएको हो । दुबै जनामाथि थप अनुसन्धान भईरहेको बाँके प्रहरीले जनाएको छ ।
