नेपालगञ्ज : बाँकेमा आइतबार ५० जना कोरोना संक्रमणबाट मुक्त भएका छन् भने २६ जना कोरोना संक्रमित थपिएका छन् ।
जिल्लाका २ वटा प्रयोगशालामा गरिएको पिसिआर परीक्षणमा थप १३ जनामा कोरोना पुष्टि भएको र एन्टिजेन परीक्षण गर्दा १३ जनामा कोरोना संक्रमण देखिएको जिल्ला कोभिड संकट व्यवस्थापन केन्द्र बाँकेका फोकल पर्सन तेज वलीले जानकारी दिए ।
हाल भेरी अस्पतालमा ३७ जना उपचाररत छन् । ती मध्ये ३४ जना मध्यम, २ जना सिकिस्त र १ जना भेन्टिलेटरमा रहेको अस्पताल प्रशासनले जनाएको छ ।
