नेपालगञ्ज : काठमाण्डौबाट रुकुमको चौरजहारी विमानस्थलका लागि उडेको विमान नेपालगञ्जमै अवतरण गरेको छ ।
सोमबार नेपाल वायु सेवा निगमको ट्वीनअटर विमानका पाइलटले आफ्नो ड्युटी समय सकिएको भन्दै नेपालगञ्जमै विमान अवतरण गराएका हुन् ।
आठ जना यात्रु लिएर काठमाण्डौबाट उडेको विमानमा पाइलट पेम्बा शेर्पा थिए । उनको ड्युटी विहान साढे ५ बजे शुरु भएर दिउँसो चार ४ बजेसम्म थियो ।
काठमाण्डौबाट चौरजहारीका लागि विमान उडाए पनि आकाशमै चार बजेपछि पाइलट शेर्पाले नेपालगञ्जमै अवतरण गरेका हुन् ।
नेपाल वायु सेवा निगमका कार्यकारी अध्यक्ष युवराज अधिकारीले रुकुमका लागि उडेको विमान नेपालगञ्जमा अवतरण भएको विषयमा अनुसन्धान थालिएको प्रतिक्रिया दिएका छन् ।
