नेपालगञ्ज : बाँकेमा मंगलवार थप १८ जनामा कोरोना भाइरस संक्रमण पुष्टि भएको छ । ४७ नमुना परीक्षण गर्दा १८ जनामा भाइरस संक्रमण पुष्टि भएको हो ।
भेरी अस्पतालमा २९ नमुना परीक्षण गर्दा ९ र मेडिकल कलेज कोहलपुरमा १८ नमुना परीक्षण गर्दा ९ जनामा संक्रमण पुष्टि भएको हो । तीमध्ये बाँकेका १० जना छन् । योसंगै बाँकेमा कुल संक्रमितको संख्या १८ हजार ३२५ पुगेको छ ।
यस्तै मंगलवार थप ४ जना डिस्चार्ज भएका छन् । योसँगै डिस्चार्ज हुनेको संख्या १७ हजार ८९५ पुगेको छ ।
