नेपालगञ्ज : कोरोना संक्रमणबाट बाँकेमा शुक्रवार थप एक जनाको मृत्यु भएको छ । भेरी अस्पताल नेपालगञ्जमा उपचाररत कञ्चनपुरको पुनर्वास नगरपालिका वडा नं. ५ की ५८ वर्षीया महिलाको मृत्यु भएको हो ।
भदौ २९ गते भेरी अस्पतालमा भर्ना भएकी उनलाई भदौ ३० गते कोभिड पुष्टि भएको थियो । उनको स्वास्थ्यमा सुधार नआउँदा शुक्रवार विहान साढे ११ बजे मृत्यु भएको कोभिड व्यवस्थापन केन्द्रका फोकल पर्सन तेज वलीले जानकारी दिए ।
योसँगै बाँके जिल्लाको मृतक संख्या ३ सय ३० पुगेको छ भने बाहिरी जिल्लाबाट बाँकेमा उपचार गराउन आएका मृतक संख्या ४ सय १२ पुगेको छ ।
