नेपालगञ्ज : भेरी अस्पताल नेपालगञ्जको प्रयोगशालामा गरिएको परीक्षण बुधवार थप ३१ जनामा कोरोना संक्रमण पुष्टि भएको छ । पछिल्लो २४ घण्टामा गरिएको परीक्षणमा बाँकेका १९ सहित ३१ जनामा संक्रमण पुष्टि भएको हो ।
यस्तै बर्दियाका ११ जना र सुर्खेतका १ जनामा कोरोना संक्रमण देखिएको भेरी अस्पतालले जनाएको छ । बाँकेको कोहलपुरमा ८ जना, नेपालगञ्जमा ७, राप्तीसोनारी र खजुरामा दुईदुई जनामा संक्रमण देखिएको छ ।
यस्तै बर्दियाको मधुबनमा ७, गुलरियामा १, बढैयातालमा २ र गेरुवामा १ जनाका साथै सुर्खेतको सिम्तामा १ जनामा संक्रमण पुष्टि भएको अस्पतालले जनाएको छ ।
पछिल्लो २४ घण्टामा १ सय ४० जनामा गरिएको परीक्षणमा ३१ जनामा कोरोना पुष्टि भएको अस्तालको सूचनामा उल्लेख छ ।
