नेपालगञ्ज : कोरोनो जाँचको दायरा बढाउन चौतर्फि माग उठी रहेको बेलामा नेपालगञ्जको भेरी अस्पतालले पनि स–शुल्क कोरोना परीक्षण सेवा सुरु गरेको छ । यो स्व–ईच्छाले र कोरोना जाँच निर्देशिकाले तोकेको व्यक्ति बाहेकले शुल्क तिरेर जाँच गराउन सक्ने छन् ।
भेरी अस्पताल विकास समितिको बिहीबार बसेको बैठकले स्वेच्छाले कोरोना परीक्षण गर्न आउने व्यक्तिका लागि दुई हजार दुई सय रुपैयाँ शुल्क निर्धारण गरेको समितिका अध्यक्ष प्रमोदकुमार धितालले जानकारी दिए ।
उनले सो निर्णय बारे सूचना जारी गर्दै स्वईच्छाले र शुल्क तिरेर जाँच गराउन सक्नेका लागि सहज भएको उल्लेख गरे । ‘निर्देशिकाले तोकेभन्दा बाहेकका स्वेच्छाले कोरोना परीक्षण गराउन चाहने व्यक्तिबाट प्रति जाँच दुई हजार दुई सय मात्र लिने निर्णय गरिएको छ ।’
