नेपालगञ्ज : बाँकेमा भादौ ६ गते शनिबार एक उपसचिवसहित २१ जनाले कोरोना जितेर घर फर्केका छन् ।
जिल्ला समन्वय समितिका उपसचिवसहित २१ जना साउन २४ गते संक्रमित भएका उनीहरु संक्रमण जितेर घर फर्केका हुन ।
जिल्ला स्वास्थ्य कार्यालय, बाँकेका कोरोनाका फोकलपर्सन नरेश श्रेष्ठले विभिन्न आइसोलेसन सेन्टरमा बसेका उनीहरु कोरोना जितेर डिस्चार्ज भएको जानकारी दिए ।
जिल्लामा शनिबार विहानसम्म ८ सय ७ जना संक्रमित रहेको र यी मध्ये ५ सय ६८ जना डिस्चार्ज भएका छन् । यी मध्ये २ सय ३५ जना सक्रिय संक्रमित भएर आइसोलेसनमा बसिरहेका छन् । कोरोना संक्रमणको कारण ४ जनाले बाँकेमा ज्यान गुमाउनु परेको छ ।
