नेपालगञ्ज : बाँकेमा मंगलवार थप १३ जना कोरोनामुक्त भई डिस्चार्ज भएका छन् । जिल्ला कारागार बाँकेका ७ जना कैदी र वडा प्रहरी कार्यालय नेपालगञ्जका ६ जना प्रहरी कोरोनामुक्त भई डिस्चार्ज भएका हुन् ।
जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार कृषि तालिम केन्द्र खजुरा आइसोलेशनमा रहेका उनीहरुलाई डिस्चार्ज गरिएको हो ।
योसंगै बाँकेमा कोरोनामुक्त हुनेको संख्या ४ सय ६८ पुगेको छ । हालसम्म ७ सय ३५ जनामा कोरोना पुष्टि हुँदा ४ जनाको मृत्यु भएको छ ।
