सदरलाइनडटकम,
नेपालगञ्ज : बाँकेमा सोमवार थप ३ जना कोरोनामुक्त भएर डिस्चार्ज भएका छन् । आन्तरिक राजश्व कार्यालय नेपालगञ्ज आइसोलेशनबाट प्युठान मल्लरानी घर भएका आन्तरिक राजश्व कार्यालय नेपालगञ्जमा कार्यरत २९ वर्षीय पुरुष डिस्चार्ज भएका छन् । उनी नायब सुब्बा हुन् ।
यस्तै सुशील कोइराला प्रखर क्यान्सर अस्पताल आइसोलेशनबाट राप्तीसोनारी ८ का ४९ वर्षीय पुरुष र आदर्शनगर आइसोलेशन नेपालगञ्जबाट राप्तीसोनारी ८ कै २४ वर्षीय पुरुष निको भएर डिस्चार्ज भएका हुन् । उनीहरु दुबै क्वारेन्टाइनमा बसेका ब्यक्ति हुन् ।
योसंगै बाँकेमा कोरोनाबाट निको भएर घर फर्कनेको संख्या ४ सय ५ पुगेको छ । अब आइसोलेशनमा बाँकेका २ सय ९ जना र बाहिरी जिल्लाका ४ गरी २ सय १३ जना रहेको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताए ।
बाँकेमा हालसम्म ६ सय १७ जनामा कोरोना संक्रमण पुष्टि भएको छ । तीमध्ये ३ जनाको मृत्युु भएको छ ।
बाँकेका थप ३ जना कोरोनामुक्त
२६ श्रावण २०७७, सोमबार १३:५५
