सभापति देउवा निरकुंश बनेको काँग्रेस नेता केसीको आरोप

  
  प्रकाशित मितिः शनिबार, मंसिर ८, २०७५       | 29 Views   ||

सदरलाइनडटकम,
बुटवल : नेपाली काँग्रेसका केन्द्रीय सदस्य अर्जुन नरसिंह केसीले पार्टी नेतृत्व प्रजातान्त्रिक ढङबाट नभई निरकंसश ढङबाट चलेको आरोप लगाएका छन् ।
नेपाल प्रेस युनियन रुपन्देहीले शनिवार बिहान बुटवलमा गरेको पत्रकार सम्मेलनमा उनले पार्टी संस्थामुखी नभई व्यक्तिमुखी भएको भन्दै व्यक्तिप्रधान भएर गरिएका निर्णय मान्य नहुने प्रष्ट पारे । पार्टी पदाधिकारीमा सामूहिक नेतृत्वमा जानुपर्ने भन्दै केसीले व्यक्तिमुखी हुँदा नेपाल विद्यार्थी संघ पनि संस्थागत हुन नसकेको दाबी गरे ।
उनले पार्टी संस्थागत संरचनाको नयाँ दिशामा प्रवेश गर्न लागेकाले आगामी दिनमा विधि र प्रक्रियासम्मत ढङले अगाडि बढ्ने बताए । नेता केसीले संघीय लोकतान्त्रिक गणतन्त्रको पूर्ण कार्यान्वयनका लागि सरकारनै अनिच्छुक देखिएकाले गणतन्त्र संस्थागत हुन नसकेको धारणा राखे ।

प्रकाशित मितिः शनिबार, मंसिर ८, २०७५     2:51:54 PM  |