सदरलाइनडटकम, 
खजुरा (बाँके) : अन्तराष्ट्रिय शान्ति दिवसको अवसरमा शान्ति र सद्भावका लागि विद्यार्थीको भूमिका विषयक निबन्ध प्रतियोगिता शनिबार खजुरामा सम्पन्न भएको छ । खजुरा गाउँपालिका गाउँ शिक्षा समितिको आयोजना तथा जनजागरण समाजको सहयोगमा मावि स्तरिय प्रतियोगिता गराईएको हो ।
शान्तिका लागि सद्भाव भन्ने मूल नारा सहित आयोजना गरिएको प्रतियोगितामा ज्ञानोदय माविका कोमल उपाध्याय प्रथम, ध्रुवतारा विद्या मन्दिरका विभूति शाही द्वितिय र जेनिथ माविका सन्ध्या गिरी तृतिय भएका छन् ।
यसैगरी योगिनी माविका निशा खड्का र गुराँस माविका रितेश पुन सान्तवना स्थान हाँसिल गरेको खजुरा गाउँपालिका गाउँ शिक्षा समिति तथा खजुरा गाउपालिकाका श्रोत व्यक्ति टंकनाथ दाहालले जानकारी दिए ।
ज्ञानोदय बहुमुखि क्याम्पसमा आयोजना गरिएको प्रतियोगितामा विजेता प्रथमलाई शिल्ड सहित ३ हजार, द्वीतिय, तृतिय र सान्तवनालाई क्रमशः दुई हजार, एक हजार र ५/५ सय प्रदान गरिएको श्रोत व्यक्ति दाहालले जानकारी दिएका छन ।
अन्तराष्ट्रिय शान्ति दिवसको अवसरमा खजुरामा निबन्ध प्रतियोगिता
५ आश्विन २०७५, शुक्रबार १८:१६
