नेपालगन्जको डुवान (फोटो फीचर)

  
  प्रकाशित मितिः आइतवार, साउन २०, २०७५       | 236 Views   ||

शनिवार दिउँसोबाट परेको अविरल वर्षाको कारण नेपालगन्ज जलमग्न भएको छ । सो वर्षातको कारण नेपालगन्जका पुरानो वस्तीका अघिकांश घरहरु डुवानमा परेका छन् । नेपालगन्जको सेतुविक चोक र घरबारीटोल सवैभन्दा बढि प्रभावित भएको छ ।

नेपालगन्जको सुर्खेतरोडमा नाली जाम भएर बाटो मै पानी बगेको थियो भने नालीमा फोहर थुप्रिएको कारण पानी जलमग्न भएको हो । सेतुविक चोक र घरबारीटोलमा पानी निकास नभएका कारण जलमग्न भएको विकासका लागि नागरिक सरोकार समिति बाँकेका संयोजक एवम् नेपाल उद्योग बाणिज्य महासंघका सदस्य कृष्णप्रसाद श्रेष्ठले बताए ।

शुक्रबार साँझदेखि अलि अलि पानी पर्न सुरु गरे पनि आईतबार बिहानबाट परेको पानीका करण सुर्खेतरोड, घरबारीटोल, सेतुविक चोक, बेलासपुर, रानीतलाउ लगायतको क्षेत्रमा डुवान भएको छ । नेपालगन्जको डुवान क्षेत्रमा जनप्रतिनिधि नपुगेको गुनासो आई रहेको बेलामा क्यामेरामा खिचिएका तस्बीर ।
शब्द / तस्बीर : राज सुवेदी / सौजन्य श्रेष्ठ

    

प्रकाशित मितिः आइतवार, साउन २०, २०७५     6:18:53 PM  |