सदरलाइनडटकम
१० जेठ, नेपालगन्ज : दुव्र्यसनीमा फसेका र एचआईभी जस्ता रोगहरु लागेकाहरु माथि क्षती न्युनिकरणका बिषयमा बिहिवार नेपालगन्जमा बहृद छलफल भएको छ । परिवर्तन समूहको आयोजनामा जिल्लाका बिभिन्न इकाईका प्रहरी र जिल्ला बारका सदस्यबीच यस्तो छलफल भएको हो ।
उक्त समूहकी कार्यक्रम अधिकृत इन्द्रा रावलले क्षती न्यूनीकरणका प्रयासहरु थालिए धेरै दुव्र्यसनीमा फसेका युवा युवतीहरुलाई सही मार्गमा ल्याउन सकिने बताए । उनले यसका लागि सरकारी तथा गैरसरकारी निकायको समन्वय आवश्यक रहेको बताईन ।
छलफलमा दुव्र्यसनीको समस्याले समाजलाई पिरोलेको भन्दै रोकथामका उपायहरु अपनाउनुपर्नेमा जोड दिइएको थियो । साथै यस्ता क्रियाकलापबाट युवाहरुलाई जोगाउन तर्फ लाग्नुपर्ने पनि बताइयो ।
क्षती न्यूनीकरणका बिषयमा छलफल
१० जेष्ठ २०७५, बिहीबार १७:५१
