बर्दिया : कर्णाली नदीको चिसपानी पुल नजिक एक पुरुषको शव फेला परेको छ । करिब ५० देखि ५५ वर्ष उमेरको पुरुषको शव बुधबार बेलुकी फेला परेको जिल्ला प्रहरी कार्यालय, बर्दियाका सूचना अधिकारी एवं डिएसपी हिक्मतबहादुर बोहोराले जानकारी दिए ।
ठाकुरबाबा नगरपालिका–२ स्थित फेला पारेको शव सडेगलेको अवस्थामा पहिचान हुन नसकेको उनले बताए । प्रहरीले शव परीक्षणका लागि जिल्ला अस्पताल गुलरियामा ल्याएको छ । सबै प्रहरी युनिट लगायतका ठाउँमा घटनाबारे जानकारी गराइसकेको र शव पहिचानका लागि सबैमा आहृवान गरिएको छ ।
शव पहिचानका लागि तीन दिनसम्म अस्पतालको शव गृहमा राखिने छ । त्यसपछि कोही पनि पहिचानका लागि नआए पोष्टमार्टम गरिने डिएसपी बोहोराले जनाए ।
