नेपालगञ्ज : सुर्खेतमा ब्राउन सुगरसहित बाँकेका एक जना पक्राउ परेका छन् । पक्राउ पर्नेमा बाँके नेपालगञ्ज उपमहानगरपालिका–३ घर भएका ३५ वर्षीय सलिम हलुवाई रहेका छन् ।
उनलाई सुर्खेतको वीरेन्द्रनगर नगरपालिका–३ प्रगतिनगर टोलबाट अवैध लागूऔषध ब्राउनसुगर जस्तो देखिने पदार्थ ५ सय ५० मिलिग्रामसहित प्रहरीले पक्राउ गरेको हो । हलुवाई सोही ठाउँमा डेरा गरी बस्दै आएको प्रहरीले बताएको छ ।
प्रहरीका अनुसार, विशेष सूचनाको आधारमा कर्णाली प्रदेश प्रहरी कार्यालय लागूऔषध नियन्त्रण व्यूरो सुर्खेत र जिल्ला प्रहरी कार्यालय सुर्खेतबाट खटिएको संयुक्त प्रहरी टोलीले उनीहरूलाई उक्त पदार्थसहित फेला पारी पक्राउ गरेको हो ।
यस सम्बन्धमा थप अनुसन्धान भइरहेको प्रहरीले जनाएको छ ।
