नेपालगञ्ज : भिनाजुको आक्रमणबाट सालोको मृत्यु भएको छ । भिनाजुले सालोलाई हानेको हँसियाले लाग्दा कैलाली जोशीपुर गाउँपालिका वडा नम्बर ६ का ३३ वर्षीय पदमराज भण्डारीको मृत्यु भएको जिल्ला प्रहरी कार्यालय कैलालीले जानकारी दिएको छ ।
५० वर्षीय गौरीलाल ढुङ्गानाले मंगलवार राती ९ बजे भण्डारीलाई हँसिया प्रहार गरेका थिए । हँसिया आक्रमणबाट अर्का एक जना सालो ४० वर्षीय जयराज भण्डारी समेत गम्भीर घाइते छन् । घाइते जयराजलाई कोहलपुरको अस्पताल ल्याएर उपचार थालिएको छ ।
हँसिया प्रहार गरेर हत्या गरेका भिनाजु ढुंगाना फरार रहेका छन् भने उनको खोजी कार्य भइरहेको कैलाली प्रहरीले जानकारी दिएको छ ।
