नेपालगञ्ज : बाँकेमा केन्द्रविन्दु भएर शुक्रवार राती १ बजेर २८ मिनेटमा ४.८ म्याग्नेच्युडको भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार बाँकेमा केन्द्रविन्दु भएर गएको उक्त भुकम्पको धक्का पश्चिम नेपालका अधिकांश ठाउँमा महशुस गरिएको छ ।
भूकम्पको धक्का पश्चिम नेपालका केही जिल्ला र भारतको लखनउ क्षेत्रसम्म महसुस भएको थियो । मध्यराति भूकम्प गएपछि नागरिक त्रसित भएका थिए । कृष्णाअष्टमीको रात भएकाले अधिकांश जाग्राम बसेका थिए ।
भुकम्पको धक्कापछि उनीहरु घरबाहिर निस्किएका थिए । बाँकेमै केन्द्र विन्दु भएर भुकम्प गएकाले नेपालगञ्जमा बढी धक्का महशुस भएको थियो ।
