मेयरको उम्मेदवार बन्न उपसचिवबाट राजीनामा

सदरलाइन संवाददाता ९ बैशाख २०७९, शुक्रबार १५:०७
 

पूर्वीनवलपरासी : नेपाल सरकारका उपसचिव विष्णुप्रसाद भुसालले पूर्वीनवलपरासीको देवचुली नगरपालिकामा मेयरको उम्मेदवार बन्नका लागि उपसचिव पदबाट राजीनामा दिएका छन् । हाल संघीय मन्त्रालयमा कार्यरत भुसालले शुक्रबार आफूले उपसचिवबाट राजीनामा दिएको जानकारी दिए ।

देवचुली नगरपालिकाका स्थायी बासिन्दा भुसालले नेपाली कांग्रेसबाट उम्मेदवार हुने इच्छा राखेका छन् । उनी यसअघि त्यही नगरपालिकामा प्रमुख प्रशासकीय अधिकृतका रुपमा कार्यरत थिए । उनी कुशल प्रशासक र राम्रो छवि भएका मानिन्छन् ।


स्थानीय मतदाताको आग्रहअनुसार आफूले राजीनामा दिएर पार्टी राजनीतिमा आएको सुनाए । उनलाई जिल्ला पार्टी सभापति महेन्द्रध्वज जीसी र कांग्रेस गण्डकीका महामन्त्री विष्णु लामिछाने र अर्का नेता डा. शशांक कोइरालाले राजनीतिमा आउन ग्रिन सिग्लन दिएका कारण राजनीतिमा होमिएको गाउँमा चर्चा छ ।

देवचुली नगरपालिकामा यसअघिको निर्वाचनमा पनि मेयरसहित बहुमत कांग्रेसले जितेको हो । ५५ सालअघि उनी साविकको देवचुली गाउँ कमिटीको कांग्रेस सभापति थिए । पछि लोकसेवा पास गरेर निजामतीमा प्रवेश गरेका थिए ।

Leave a Reply

Your email address will not be published. Required fields are marked *

Next Post

अवैधरुपमा भित्र्याइएको ठुलो परिमाणको चिनी बरामद

९ बैशाख २०७९, शुक्रबार १५:०७
नेपालगञ्ज : भारतबाट अवैधरुपमा भित्र्याइएको चिनी नेपालगञ्जबाट बरामद गरिएको छ । सार्वजनिक यातायातका साधनमा ल्याइएको २४ बोरो चिनी बीपी चोकमा खटिएको वड प्रहरी कार्यालय नेपालगञ्जको प्रहरीले बरामद गरेको हो । वडा प्रहरी कार्यालयका अनुसार भन्सार छलेर ल्याइएको २४ बोरो चिनी र ४ बोरा सुर्ती बरामद भएको छ । बीपी चोकमा […]