नेपालगञ्ज : भारतको लखनउ शहरमा रहेका दुई जना नेपाली बालश्रमिकहरुलाई उद्धार गरि नेपालगञ्ज ल्याइएको छ ।
इलाका प्रहरी कार्यालय जमुनाहाको समन्वयमा श्री एन्जल्स जयसपुर बाँके र देहात संस्था रुपईडिहा भारतको सक्रियतामा गढीमाइ नगरपालिका ७ रौतहट घर भएका १७ बर्षीय बालक इब्रान शेख र अवलसिङ सुर्खेतका १६ बर्षीय बिकास थापालाई उद्धार गरिएको बाँकेका एसपी श्यामकृष्ण अधिकारीले जानकारी दिए ।
इलाका प्रहरी जमुनाहाको समन्वयमा लखनऊ गएर दुबै बालश्रमीक बालकहरुलाई उद्दारगरी नेपालगञ्ज ल्याइएको एसपी अधिकारीले बताए । उद्धार गरि ल्याइएका दुबै बालकहरुलाई पुनःस्थापनाका लागि नेपालगञ्जमा रहेको सिविन नेपाल बाँकेको जिम्मा लगाइएको छ । उद्धार गरिएका दुबै बालकहरु लामो समयदेखि भारतको लखनऊमा बालश्रमीकको रुपमा कार्य गर्दै आएका पाइएको छ ।
