जुम्ला : सुख्खा पहिरोका कारण अवरुद्ध कर्णाली राजमार्गको जुम्ला सडक खण्ड सुचारु भएको छ ।
निरन्तर भएको वर्षातका कारण सुक्खा पहिरो खसेपछि कर्णाली राजमार्गको जुम्ला खण्डको लुम्सेरा नजिक अवरुद्ध भएको सडक केही घण्टामै पहिरो पन्छाएर सुचारु भएको हो ।
सडक अवरुद्ध भएपछि जाममा परेका साना ठुला यात्रु तथा मालवाहक सवारी सञ्चालनमा आएका छन् । पैदल तथा यात्रुहरू पनि आआफ्नो गन्तव्यतर्फ लागेका छन् ।
