काठमाडौं : सरकारद्वारा सिफारिश गरिएको राजनीतिक दलसम्बन्धी अध्यादेश राष्ट्रपति विद्यादेवी भण्डारीले जारी गरेकी छन् । बुधबार राष्ट्रपति भण्डारीले सो अध्यादेश जारी गरेकी हुन् ।
सरकारले मंगलबारमात्र दल विभाजनसम्बन्धी अध्यादेश राष्ट्रपतिसमक्ष सिफारिश गरेको भएपनि राष्ट्रपति भण्डारीले सो अध्यादेश बारे अध्ययन गर्नुपर्ने भन्दै समय मागेपछि मंगलबार नै जारी हुन सकेको थिएन । अध्यादेशको प्रमुख प्रतिपक्षी दल नेकपा (एमाले) ले विरोध जनाएको छ ।
