नेपालगञ्ज : कोरोना भाइरस संक्रमणबाट भेरी अस्पतालमा थप एकजनाको मृत्यु भएको छ । बारबर्दिया नगरपालिका–४ बर्दियाकी ६० वर्षीया महिलाको उपचारका क्रममा मृत्यु भएको हो । असार १० गते कोभिड संक्रमण पुष्टि भएपछि उनी त्यसैदिन अस्पताल भर्ना भएकी थिइन् ।
योसँगै बाँकेमा उपचारका लागि आएका बाहिरी जिल्लाका ३ सय ६६ जनाको मृत्यु भइसकेको छ ।
कोभिड उपचार गराइरहेका बाँकेका दुई अस्पतालमा अहिले ३३ जना बिरामी उपचारत् छन् । भेरी अस्पतालमा ३२ र वेष्टर्न अस्पतालमा १ गरी ३३ जना संक्रमित बिरामीको उपचार भइरहेको हो । तिमध्ये १३ जना सिकिस्त छन् ।
