नेपालगञ्ज : बाँकेमा मंगलवार ३ जना मात्र कोरोना संक्रमित थपिएका छन् । जुन जम्मा परीक्षणको २५ प्रतिशत हो । आज १२ जना डिष्चार्ज भएका छन् ।
यहाँका तीन वटा प्रयोगशालामा गरिएको परिक्षणमा बाहिरी जिल्लाका समेत गरी १२ जनामा कोरोना पुष्टि भएको छ । आज कसैको मृत्यु भएको छैन ।
भेरी अस्पतालमा ८ जना र नेपालगञ्ज मेडिकल कलेज कोहलपुरमा ४ जनालाई कोरोना संक्रमण पुष्टि भएको जिल्ला कोभिड–१९ संकट व्यवस्थापन केन्द्रका फोकल पर्सन तेज ओलीले बताए ।
हालसम्म बाँकेमा १७ हजार ४ सय ११ जना संक्रमित भएका छन् । ती मध्ये १७ हजार २६ जना निको भई डिष्चार्ज भएका छन् । संक्रमित मध्ये ३ सय १० जनाको मृत्यु भएको छ ।
जिल्लामा ७५ जना सक्रिय संक्रमित रहँदा ४४ जना अस्पताल र आइसोलेसनमा छन् भने ८३ जना होम आइसोलेसनमा छन् ।
