नेपालगञ्ज : बाँकेमा बिहीबार कोरोना संक्रमणका कारण थप ४ जनाको मृत्यु भएको छ । मृतक मध्ये ३ जनाको नेपालगञ्ज मेडिकल कलेज कोहलपुरमा र एक जनाको भेरीमा उपचाकोे क्रममा मृत्यु भएको हो । मृत्यु हुनेमा दाङका ३ जना र बर्दियाका १ जना छन् ।
जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीका अनुसार नेपालगञ्ज मेडिकल कलेजमा उपचाररत लमही–५ दाङका ६५ वर्षिय पुरुष, राजपुर–५ दाङका ५३ वर्षिय पुरुष, राप्ती गाउपालिका–१ दाङ्गका ५५ वर्षिय र बारबर्दिया–७ बर्दियाका ६५ वर्षिय पुरुषको मृत्यु भएको हो ।
यो संगै कोरोना संक्रमणको कारण उपचारको क्रममा हालसम्म बाँकेका ३ सय ५ जना र बाँकेमा उपचाररत बाहिरी जिल्लाका ३ सय २८ जनाको मृत्यु भएको छ ।
