नेपालगञ्ज : कोरोना संक्रमणका कारण बाँकेमा थप ३ जनाको मृत्यु भएको छ । भेरी अस्पतालमा २ जना र नेपालगञ्ज मेडिकल कलेज कोहलपुरमा १ जनाको मृत्यु भएको छ । मृत्यु हुनेमा बाँके, बर्दिया र प्युठानका १÷१ जना छन् ।
जिल्ला कोभिड–१९ संकट व्यवस्थापन केन्द्र बाँकेका फोकल पर्सन तेज वलीका अनुसार भेरी अस्पतालमा उपचाररत कोहलपुर ६ बाँकेकी ४० वर्षीया महिला र राजापुर ७ बर्दियाकी ८० वर्षीया महिलाको मृत्यु भएको छ । त्यस्तै नेपालगञ्ज मेडिकल कलेजमा उपचाररत प्युठान नगरपालिका ६ प्युठानका ७२ वर्षीय पुरुषको मृत्यु भएको छ ।
योसंगै कोरोनाबाट हालसम्म बाँकेका ३०४ जना र बाँकेमा उपचाररत बाहिरी जिल्लाका ३ सय २४ जनाको मृत्यु भएको छ ।
