नेपालगञ्ज : भेरी अस्पतालमा ८१ स्वाब परीक्षण गर्दा ७५ जनामा कोरोना संक्रमण पुष्टि भएको छ ।
पछिल्लो २४ घण्टामा गरिएको पिसिआर परीक्षणमा ७५ जनाको रिपोर्ट पोजिटिभ आएको भेरी अस्पतालले जनाएको छ । जुन ९२.५९ प्रतिशत संक्रमण दर हो ।
अस्पतालका अनुसार, संक्रमितहरु स्वासप्रस्वासमा समस्या, ज्वरो तथा अन्य लक्षणसहित आफै अस्पतालमा उपचार गर्न आएका व्यक्तिहरु हुन् । उनिहरुलाई अस्पतालका चिकित्सक तथा स्वास्थ्यकर्मीको सिफारिसमा पिसिआर जाँच गर्न लगाइएको थियो ।
