नेपालगञ्ज : कोरोना संक्रमणबाट बाँकेमा थप एक जनाको मृत्यु भएको छ । सुर्खेतको गुर्भाकोट नगरपालिका वडा नम्बर १३ गुमीका ३१ वर्षीय पुरुषको भेरी अस्पताल नेपालगञ्जमा उपचारका क्रममा शुक्रवार विहान मृत्यु भएको जिल्ला कोभिड–१९ संकट व्यवस्थापन केन्द्रका फोकल पर्सन तेज वलीले जानकारी दिए ।
उनमा चैत ३१ गते कोरोना पुष्टि भएको थियो । एक साता अघि भारतबाट आएका उनी श्वास फेर्न गार्हो भएपछि नेपालगञ्ज मेडिकल कलेजमा भर्ना भएका थिए । योसंगै बाहिरी जिल्लाबाट बाँकेमा उपचार गराउन आएका ९३ जनाको कोरोनाबाट मृत्यु भएको छ ।
