नेपालगञ्ज : बाँकेमा उपचाररत दाङका थप तीन जना कोरोना संक्रमितको मृत्यु भएको छ । दाङको तुलसीपुर उपमहानगरपालिका वडा नम्बर ११ का ४५ बर्षीय पुरुषको बिहीवार राति ९ बजे भेरी अस्पतालमा मृत्यु भएको छ ।
त्यस्तै दाङको तुलसीपुरकै वडा नम्बर ५ का ८१ बर्षीय पुरुषको पनि बिहीवार राति पौने ११ बजे नेपालगञ्ज मेडिकल कलेज शिक्षण अस्पताल कोहलपुरमा मृत्यु भएको जिल्ला कोभिड १९ संकट व्यवस्थापन केन्द्र बाँकेले जनाएको छ ।
यसैगरी तुलसीपुर उपमहानगरपालिका वडा नम्बर १६ का २६ बर्षीय पुरुषको भेरी अस्पताल नेपालगञ्जमा बिहीवार राति १२ बजेर १० मिनटमा उपचारका क्रममा मृत्यु भएको छ ।
योसंगै बाँकेमा उपचारका लागि आएका बाहिरी जिल्लाका ५८ जनाको मृत्यु भएको जिल्ला कोभिड १९ संकट व्यवस्थापन केन्द्र बाँकेले जनाएको छ ।
