नेपालगञ्ज : कोरोना संक्रमणबाट दाङकी एक महिलाको बाँकेमा मृत्यु भएको छ । तुलसीपुर उपमहानगरपालिका वडा नम्बर ६ की ७७ बर्षीया महिलाको नेपालगञ्ज मेडिकल कलेज शिक्षण अस्पताल कोहलपुरमा मंगलवार राती सवा १२ बजे मृत्यु भएको जिल्ला कोभिड–१९ संकट व्यवस्थापन केन्द्र बाँकेका फोकल पर्सन नरेश श्रेष्ठले बताए ।
स्वास्थ्यमा समस्या आएपछि मंसिर ५ गते नेपालगञ्ज मेडिकल कलेज कोहलपुरमा भर्ना भएकी उनको कोभिडको आशंकामा त्यसै दिन स्वाब संकलन गरिएको थियो ।
मंसिर ६ गते उनमा कोरोना पुष्टि भएको थियो । विरामीकोे रोगको प्रकृतिअनुसार उपचार गरिएपनि स्वास्थ्यमा सुधार नभएपछि उनको राती मृत्यु भएको श्रेष्ठले जानकारी दिए ।
योसंगै बाँकेमा उपचारका लागि बाहिरी जिल्लाबाट आएका ४९ जनाको कोरोना संक्रमणबाट मृत्यु भइसकेको छ ।
