नेपालगञ्ज : बाँकेका एकसहित चार जना कोरोना संक्रमितको मृत्यु भएको छ । दाङको घोराही उपमहानगरपालिका वडा नं. १५ का ५९ वर्षीय पुरुषको भेरी अस्पताल नेपालगञ्जमा उपचारका क्रममा शनिवार विहान ५ बजेर २५ मिनेटमा मृत्यु भएको छ ।
यस्तै दाङको तुल्सीपुर उपमहानगरपालिका वडा नं. ५ का ७६ वर्षीय पुरुषको नेपालगञ्ज मेडिकल कलेज शिक्षण अस्पताल कोहलपुरमा उपचारका क्रममा शुक्रवार बेलुकी मृत्यु भएको जिल्ला कोभिड–१९ संकट व्यवस्थापन केन्द्र बाँकेका फोकल पर्सन नरेश श्रेष्ठले जानकारी दिए ।
यसैगरी बाँकेको राप्ती सोनारी गाउँपालिका वडा नं. ६ शम्शेरगञ्जका ४८ वर्षीय पुरुषको भेरी अस्पताल नेपालगञ्जमा उपचारका क्रममा शुक्रवार बेलुकी मृत्यु भएको छ ।
यस्तै कैलालीको टीकापुर नगरपालिका वडा नं. १ की ५६ वर्षीया महिलाको नेपालगञ्ज मेडिकल कलेज शिक्षण अस्पताल कोहलपुरमा उपचारका क्रममा शुक्रवार दिउँसो मृत्यु भएको फोकल पर्सन श्रेष्ठले बताए ।
योसँगै बाहिरी जिल्लाबाट उपचार गराउन आएका बाँकेमा मृतकको संख्या २८ पुगेको छ भने कोरोना संक्रमणबाट बाँकेमा ३५ जनाको मृत्यु भईसकेको छ ।
