नेपालगञ्ज : कोरोना रोकथाम तथा नियन्त्रणका लागि आड्रा नेपालले सहयोगस्वरुप स्वास्थ्य सामग्री उपलब्ध गराएको छ ।
कोरोना रोकथामका लागि आड्रा नेपालले कोभिड–१९ संकट व्यवस्थापन केन्द्र बाँकेलाई बिहीवार ६ सय थान भिटिएम र २ सय थान डिजिटल थर्मामिटर उपलब्ध गराएको कोभिड–१९ संकट व्यवस्थापन केन्द्र बाँकेले जनाएको छ ।
प्राप्त भिटिएम सम्भावित कोरोना संक्रमितहरुको निःशुल्करुपमा पिसिआर परीक्षण गर्दा प्रयोग गरिने र थर्मामिटर आइसोलेशनमा उपचाररत बिरामीहरुको ज्वरो नाप्नका लागि आइसोलेशन केन्द्र र अस्पतालमा प्रयोग गरिने संकट व्यवस्थापन केन्द्रका कोरोना फोकल पर्सन नरेश श्रेष्ठले जनाकारी दिए ।
